காக்கா ஏன் கறுப்பாச்சின்னு தெரியுமா??

ரொம்ப காலத்துக்கு முன்னாடி காக்கா வெள்ளையா இருந்துச்சுசாம். வெள்ளைன்னா அப்படி ஒரு வெள்ளை. அப்ப எல்லாம் காக்கா ரொம்ப தூரம் பறக்குமாம். சூரியன் வரைக்கும் பறந்து போகுமாம்.அப்படி இருந்த காக்கா எப்படி கருப்பாச்சு? ஊங் குட்டுங்க செல்றேன்..

தமிழ் நாட்ல இருக்குற திருச்சில இருக்குற எங்க அப்பாவுக்கு கடைசியா ஒரு அழகான பையன் பிறந்தானாம்(அதாங்க அது நான்தான்). கொள்ளை அழகு. குழந்தையில இருந்து வீட்டை விட்டே வெளிய வர மாட்டேனாம். நல்ல பெரியவனாகி விபரம் தெரிஞ்ச வயசுல வெளிய விளையாட வந்தேனாம். அவன் பேரு ரவி குமார்(அதாங்க என்னோட பெயர்). நான் விளையாடறத பார்த்த சூரியனுக்கு என்னை ரொம்ப பிடிச்சு போச்சாம். எனக்கும் சூரியனை பிடிச்சிடுச்சாம். தினமும் விடியற்காலையில எழுந்ததில இருந்து சூரியன் கிட்ட தான் பேசிட்டு இருப்பேனாம். சூரியனும் பூமிய சுத்திக்கிட்டே என்கிட்ட பேசிட்டு இருக்குமாம். நாங்க அப்போ ரொம்ப நல்ல நண்பர்களா மாறிட்டோமாம். ஒரு நாள் சூரியன் எனக்கு பரிசு கொடுக்க நினைச்சுதாம்.

சூரியன் கிட்ட வரைக்கும் காக்கா பறந்துச்சு இல்லையா? அதனால சூரியன் ஒரு காக்காவ கூப்பிட்டு பையில மோதிரம், பேன்ட், சட்டை,வாசனை திரவியங்கள், முத்து மாலை, கடிகாரம் எல்லாம் கொடுத்து ரவிகிட்ட கொடுத்துடுன்னு சொல்லிட்டு மறஞ்சி போச்சாம். சாய்ந்திரம் ஆகிடுச்சுன்னா சூரியன் தூங்க போயிடும் இல்லையா? காக்கா அந்த பைய தூக்கிகிட்டு நான் இருந்த இடத்தை நோக்கி பறந்து வந்துச்சாம்.

வழியில திருமண ஊர்வலம் போயிட்டு இருந்திருக்கு. நிறைய பழங்கள்,உணவுப்பொருட்கள் எடுத்துட்டு போனாங்க போல.காக்காவுக்கு கொஞ்ச உணவாச்சும் கிடைக்குமேன்னு ஆசை. அரண்மனைக்கு போயிட்டு வந்தா தாமதமாகி போகும். சரின்னு அந்த பைய ஒரு மரத்தில மாட்டிட்டு திருமண ஊர்வலத்துக்கு போச்சாம். மரத்துக்கு கீழ இருந்த ஒருத்தன் இந்த காக்கா பைய வெச்சுட்டு போனதை பாத்துகிட்டே இருந்தானாம். நல்ல வாசனை வந்தது. அதனால மரத்தில ஏறி பைய திறந்து பாத்து இருக்கான். பைக்கு உள்ள சூரியன் கொடுத்து அனுப்பின எல்லா பொருளையும் பாத்து சொக்கி போயிட்டானாம்.உடனே எல்லாத்தையும் எடுத்துகிட்டு மரத்தில இருந்த குப்பை எல்லாம் பையில எடுத்து போட்டுட்டு கிளம்பிட்டான்.

காக்கா நல்லா சாப்பிட்டு ஏப்பம் விட்டுக்கிட்டே வந்துச்சாம். பைய எடுத்துகிட்டு நான் இருக்குற இடத்தை நோக்கி வந்துடுச்சாம். அங்க என்கிட்டே சூரியன் கொடுத்த பைய கொடுத்துச்சாம். திறந்து பார்த்த எனக்கு அதிர்ச்சி. ச்ச..இந்த சூரியன் ஏன் இப்படி பண்ணிடுச்சு. என் மேல அன்பே இல்ல. எல்லாம் நடிப்பு. அவன் கூட இனிமேல் டூன்னு சொல்லிட்டு பைய விசி எரிஞ்சிட்டேணாம்.

மறுநாள் காலை,சந்தோஷமா என்னை பார்க்கலாம்ன்னு வந்த சூரியனுக்கு தூக்கி வாரி போட்டுச்சாம். அந்த பை கீழ விழுந்திருந்தத பாத்தே ஏதோ தப்பு நடந்திருக்குதுன்னு புரிஞ்சிடுச்சாம்.பயங்கர கோபம் வந்துடுச்சாம். காக்காவை பார்த்து கோவமா பாத்த உடனே வெள்ளையா இருந்த காக்கா கறுப்பா மாறிடுச்சாம். அதனால தான் சூரியன் கிட்டகூட பறக்க முடியாம போச்சாம். கிட்ட இருந்த சூரியனும் பூமி மேல கோபம் வந்து தூரமா போயிடுச்சாம்.

அப்படின்னு எங்க அம்மா என்கிட்ட சொன்னங்க.

இப்ப தெரிஞ்சதா காக்கா ஏன் காக்கா கறுப்பாச்சுன்னு?

இதுமாதிரி ஏதாவது நடந்துச்சின்னா எனக்கு கமெண்ட் ல சொல்லி அனுப்புங்க தெரிஞ்சிக்கறேன். அப்படியே ஒரு ஒட்டு போட்டு போங்க. ரொம்ப புண்ணியமா போகும். உங்களுக்கு இல்ல. அந்த காக்காவுக்கு..